20-қазан күні  белгілі отбасылық коуч-тренер Е.Ертайұлы лицей ата-аналарына арналған "Балалар - болашағымыз" атты семинар өткізген болатын. Семинарда бала тәрбиесіндегі ата-ана рөлі, ата-ана мен бала арасындағы қарым-қатынасты дұрыс қоя білу сынды мәселелер қарастырылды. Бұл семинар ата-аналар үшін бала тəрбиесіндегі көптеген сауалдарына жауап алуға мүмкіндік берді деп сенеміз. Сыйластық, түсіністік, үлкен жауапкершілік сезімдері бар отбасы – бақытты отбасы. Бақытты отбасында ғана ата-ана және олардың өзара қатынасы мазмұнды, берілген тәрбие сенімді және негізді. Елімізде "бақытты отбасылар" көп болғай.

 

Ұстаздар күні құтты болсын!

Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз. Қызығы мен қиындығы қатар жүретін ұстаздық жолдарыңыз тек өрлеу мен өсуге бастасын! 
_________________________________________________________________________________________________________

Бүгін "Ұстаздар күніне" арналған "Ұстазым, менің ұстазым" мерекелік шара ұйымдастырылған болатын. Мерекелік шараны құттықтау сөзімен ашқан лицей басшысы А.Арисбаев, лицей дамуына үлес қосып жүрген бірқатар ұстаздарымызды Алғыс хатпен марапаттады. Ал, өнерлі оқушыларымыз көтеріңкі көңіл-күй сыйлап, шара соңы ұстаздарына тарту ретінде əзірлеген концерттік бағдарламамен ұласты.

Лицейімізде "Тілдер мерекесіне" арналған шараларды қорытындылау мақсатында "Бір шаңырақ астында" ұлттар фестивалі ұйымдастырылды. Фестивальге әр сынып белгілі бір ұлт өкілін таңдап, сол ұлттың мәдениетімен және салт-дәстүрімен таныстырып қана қоймай, халық әндерін шырқап, би биледі. Сондай-ақ, ұлттық тағамдарын әзірлеп, оларды дайындау тәсілдерімен бөлісті. Керемет шараға оқушылармен бірге атсалысқан ата-аналарымызға лицей ұжымы атынан алғысымызды айтамыз. #бірлігімізжарасқан#бірлікбаржердетірлікбар #тілдермерекесі2017